Google ADS

Treni godet një veturë në Pejë, lëndohet një person

09:40 | 25 Shkurt 2023
K.B

Një aksident trafiku ka ndodhur mëngjesin e sotëm, në fshatin Zahaq të Pejës.

Aksidenti ndodhi në mes të trenit dhe një veturë, ku si pasojë një person ka mbetur i lënduar.

Zëdhënësi i Policisë për rajonin e Pejës, Fadil Gashi për arbresh.info tha se personi i lënduar fillimisht është dërguar në spitalin rajonal të Pejës, dhe më pas është dërguar për në QKUK.

“Rreth orës 05:40 të mëngjesit ka ndodhur një aksident mes një trenit të udhëtarëve dhe një veture në fshatin Zahaq të Pejës. Lëndime ka pësuar një person i cili është dërguar për në Emergjencën e spitalit rajonal në Pejë e më pas me udhëzim të mjekuar është dërguar për trajtim në QKUK”,  deklaroi ai.

Gashi tha se në vend të ngjarjes kanë dalur të gjitha njësitë kompetente. /arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm